玩具迷團 TOYSBUDDYHK

 找回密碼
 立即註冊
搜索
查看: 1458|回復: 7

[七,八十後港漫] 金鐘罩奇功 [複製鏈接]

Rank: 7Rank: 7Rank: 7

發表於 2015-3-8 15:53:34 |顯示全部樓層
本帖最後由 ultraman147 於 2015-3-8 20:14 編輯

細個睇港漫,武打仍以當時主流套路為主,虎鶴雙形,鐵沙掌,五形拳,梅花棍法...,以招拆招,賞心悅目,龍虎門當由香港十八區打到去日本羅殺教,即時升級,邪神火雲掌固然屈機,但最令人稱奇的,還是 ~ 金鐘罩奇功。




刀槍不入,水火不侵,但身上卻有一致命罩門...,呢個概念未必係黃玉郎首創,因為聽講當時好多港產武打片都有類似既硬功,罩門多數係下陰,所以又多數會戴返個護陰罩,而港漫歷史上,運用罩門呢條硬功橋亦不少,除金鐘罩外,舊著白蓮金聖老既金甲神功又係有罩門,即使神級港漫中華英雄,金太保既金甲元功又係有罩門。(諗諗吓,編劇有時都幾行貨,頂級硬功都係金XX,次啲就銅鐵XX。)


講起金鐘罩,大家或許諗起石黑龍,但人設上,似乎金羅漢更配。當時金羅漢呢個角色,除咗神人火雲邪神外,已近乎無敵。佢既金鐘罩師承至德和尚,而至德大難不死收咗亞柴為徒,舊著後期覆述石黑龍師傅係亞柴,其實錯晒,石黑龍係自學從囚室搵到至德本金鐘罩秘笈,學到第三關游水走人,浸爛咗本秘笈冇得學落去(呢鑊都真係傻仔),而亞柴明知黑龍練到第三關,但有鑑於至德被金羅漢殺師既影響,一直不肯傳授,亞柴死前都後悔無收黑龍為徒。


















金鐘罩經歷橫版直版和新著三個時代,但三個階段對於金鐘罩既設都好一致,無論關數,能力,以至罩門描述都好統一。石黑龍透過努力,加上濟遇,逐關逐關上,大家都好期待佢功成完關之日。


可惜,三個階段最終都被編劇弄跨。舊著龍虎門後期,石黑龍終於突破完關十二關,但當時所有高手都太高手,十二關等同爛鐵,唯有再上十三,十四,甚至十四關半,而且重點係唔使練,谷吓就得。如果舊著未完,相信石黑龍已經練到四十關。


外傳方面更加一塌糊塗,甚麼神道金鐘,攪到金鐘罩大平賣,幾乎連小販都識,又為攪而攪,甚麼凝氣成器,萬毒心經加金鐘罩,竟然可以煉條啫啫出來,達摩都激到翻生。


新傳最近又過於急進,冇辦法,托外傳編劇個福,外傳個個都係神級高手,新傳要有一致性就唯有跟,極其量話故事係外傳兩年前,稍稍推遲。但從編劇手法所見,肯定唔會慢慢來,君不見奇才西城勇外傳都話用咗近十年練到白級,而新傳西城仇(白仇),以至棍妖小棍妖,都係兩三個月就練成白級,同樣地,不論是正宗金鐘罩,還是最近又出既變種金鐘罩,冇十關八關即係冇練過,金鐘罩奇功,最終又係衰收尾。














附件: 你需要登錄才可以下載或查看附件。沒有帳號?立即註冊

使用道具 舉報

Rank: 3Rank: 3

發表於 2015-3-10 00:17:53 |顯示全部樓層
非常詳細 - like :)

使用道具 舉報

Rank: 8Rank: 8

發表於 2015-3-10 07:09:24 |顯示全部樓層
我要去學了!!!

使用道具 舉報

Rank: 7Rank: 7Rank: 7

發表於 2015-3-10 07:37:01 |顯示全部樓層
toysbuddyhk 發表於 2015-3-10 07:09
我要去學了!!!

揀定罩門位置...

使用道具 舉報

Rank: 9Rank: 9Rank: 9

發表於 2015-3-10 10:55:52 |顯示全部樓層
其實舊著入面,打到泰國時,練到七、八關只係好基本,元始門黑鯊都可以同黑龍有得打,即係唔係咩神功,四眼明練到第五關,比龍貫天打幾嘢就死,同上面所描述嘅有幾勁幾勁,其實不值一晒。

使用道具 舉報

Rank: 9Rank: 9Rank: 9

發表於 2015-3-10 11:37:10 |顯示全部樓層
練成金鐘罩,就唔怕事頭婆啦

使用道具 舉報

Rank: 8Rank: 8

發表於 2015-3-10 23:28:19 |顯示全部樓層
石黑龍我最like

使用道具 舉報

Rank: 7Rank: 7Rank: 7

發表於 2015-3-11 11:38:52 |顯示全部樓層
雖然我已經斷o左『龍虎門』成二十年,但我最鐘意係『石黑龍』及『金鐘罩』!

乜家陣外傳玩到『萬毒心經金啫罩』咁神化!?咁樣咪可以『未扯先硬,未硬先長』囉!媽的!

為o左搵錢就不停搵角色出外傳,係唔同主筆下就顯生多重背景。即係同依家o既幪面超人一樣,穿梭於不同世界觀...就可找來了兩個『南光太郎』!神化!

而我最唔欣賞係依家o既『力量層次』表達,因為一條『強勁戊利』出現,主角已練成o既頂級神功唔夠打,就無撚啦啦『覺悟』黎突破,將原有設定頂級推到變功『BB班』!失敗!

使用道具 舉報

您需要登錄後才可以回帖 登錄 | 立即註冊

聯絡我們|廣告查詢|手機版|免責聲明|私隱政策|網站地圖|玩具迷團 TOYSBUDDYHK ( TOYSBUDDYHK ©2016, All Right Reserved. )

GMT+8, 2016-12-9 06:15 , Processed in 0.115394 second(s), 13 queries .

Powered by Discuz! X2

© 2001-2011 Comsenz Inc.

回頂部