港漫影印道

ultraman147

甚麼是自毀境界?磁場轉動100萬匹力量?對“海虎”世界來說是這樣設定,但對肥良世界來說,那應該是 ~ 影印道!!!


在“武神海虎地獄”和“終極武神”中,肥良表示因為人手既問題,開宗明義講到明,用舊稿影印併砌出“新故事”,仲係專欄沾沾自喜,以為創造出新的製作方式,結果,讀者群流失得更快更多。有讀者戲言,燃祂力既殺傷力遠不及影印道。


年輕讀者可能以為影印道是肥良近年所創,但其實早在“我若為皇”時期已廣泛運用,一般運用於畫得較仔細的面相,再配以放大縮細影印功能加以重複運用,相比現在,其實更明目張膽,同一公仔,基本上會於同一期重複使用,同一面相更大膽到同一頁重複使用,有時更會將公仔局部放大就以為唔覺,其實只要一睇公仔既顏色如屬較淡,線條較粗,那必能於同期或同頁內找到精細版既“原稿”!!!


其實影印道並非肥良獨門絕學,現時幾本江湖書亦沿用,幾日刊出唔到就出埋呢啲旁門左道,有時港漫讀者不斷流失,做出版既亦應該自己反省吓。自問港漫大大話話都睇咗成三十年有多,一兩萬本都唔少得,至於邊本邊個係有心做既,係知既!!!

合金王

童年回憶

kennyling

他媽的影印道