玩具迷團

 找回密碼
 立即註冊
搜索
查看: 1169|回復: 21

[香港] 「玩具天堂-香港玩具文化與創意」 明朝至現代玩具展覽 [複製鏈接]

Rank: 9Rank: 9Rank: 9

發表於 2013-5-21 16:57:07 |顯示全部樓層
本帖最後由 originalsin 於 2013-5-22 01:32 編輯

一個2012年既展覽,希望會再次展出。

這個展覽非常精彩,由明清時候的玩具,至今時今日的玩具也有展出。

p.s.因小弟只有一部爛鬼DC仔,如果有版友有更清晰圖片,歡迎補充資料。當然關於各玩具的意見或經歷等都非常歡迎…

展覽場所,充滿奇怪建築設計既「知專設計學院」…(如果想知佢設計有幾奇怪,請自行搜索,總之爆笑:34:)


唔好離題,今次既展覽。可惜展期已完…小弟知道呢個展覽,已經係閒聊區開過post,不過反應冷清…h:
而尾二一日先有時間去…
見到咁正,覺得雖然通知唔到各位版大去參觀,不過就盡量將呢個展覽既內容作介紹。
小弟有參加佢既免費「導賞團」,而佢既導賞團絕對值得參加,因為會知多好多野,例如d玩具點玩。
我盡量將記得既都介紹下啦。


首先未介紹玩具之前,見到呢幅中五學生創作既作品,已經影唔少相。
睇完真係充滿童年回憶,因為應該就係你同我都玩過既童年集體遊戲…


抬花橋


跳over


點指兵兵


猜皇帝



何濟公


天下太平




紙電話


牛奶嘜高蹺


擢仙(呢個唔識玩…有無大大知道點玩?:?)


滑輪車


跳橡筋繩(係咪一路玩,一路有歌既呢?有人記得點唱嗎?)

上鏈玩具


膠士兵


會場一部份…
小弟會盡量逐個櫃介紹…


先黎非常珍貴既明朝土偶…
據解說,除左俾細路玩之外…當年衛生環境唔好,細佬仔好易早夭折…
呢類公仔,仲有祝福同陪葬既功用…(兵馬俑?:69:)



圖中白色果兩塊,好似曲奇餅既野…
其實係音樂玩具,拉開會出現好似手風琴咁既結構…
出品時代就唔記得啦…(清?)

可以見到上面有圖案架!好精細。


左邊係真正既竹青蜓…係用手轉,唔係好似叮當咁放上頭…
右手邊就係類似笛既玩具,一邊吹,一邊拉支棍仔,就可以發唔同既音


竹筒蛇,我地應該玩過膠製既。
呢個就用竹製,最左手邊年代最久遠,但手功最好,真係成技竹有大至細既部份都利用。會見到佢由粗至幼咁做。
中間就年份近d,手功反而無咁好…
最右既…其實係龍。


呢支野…大家估下係咩?






係古代既水槍,全人手製。強!


最左手邊,係識玩單杆既孫悟空。
成支甜筒咁既,就係跳舞公仔,好似拉支野會郁…
右手邊既,係仿蟬既玩具,應該係轉佢會發聲咁…


似波板糖既,係最簡單既動畫機,一拉條繩,圖就會轉,就會將兩邊既圖案盒一,而且條繩因力學原理,係會自己索返。
上面把關刀…緊係古代既coseplay道具啦!DD" />D" />D" />D" />D" />
織個仔公仔…唔使介紹啦~


呢張圖案會清楚d,呢度左右一組,就係底面既圖。


右上角,係用葫蘆瓜雕空製成既豪華蟋蟀籠。
中間張圖,就係記載當時既細路玩咩既~



公仔紙…亦即係香煙紙。當年跟香煙送既。(古代閃卡?)
上面果碌,就係普通既蟋蟀籠。


搖鼓,及小孩圖


呢d玩具…幾十年歷史啦…

我地現在就扮拉打,復仇者…
以前就扮京劇~


呢幾個公仔,中間那個好特別…
非常利害既設計…慢慢講解下。



呢張圖,會睇到中間個公仔,隻腳係用豬毛做既…(用豬身體最硬既…毛髮做既)
講解下玩法,將佢放係一個反轉既銅做洗面盤上。之後類似紙相撲咁,輕敲個盤,佢就會做出類似京劇演員既動作,
如果一對咁玩,仲可以對打。(古代格鬥Game?)
設計得非常精巧!利害!



竟然包裝盒都留到依家,利害。佢地個名都幾爆!:he:


布偶系列…應該係用d頭頭尾尾縫製既公仔。貓貓公仔,仲有驅老鼠既祝福成份。




使用道具 舉報

Rank: 9Rank: 9Rank: 9

發表於 2013-5-21 17:01:38 |顯示全部樓層
本帖最後由 originalsin 於 2013-5-21 17:09 編輯


以前出既玩具…要寫大英帝國出品…

之後開始有「香港製造」字樣,但都註明係黎自英國殖民地,因為當年好多人唔知香港係咩黎?

後尾…「香港製造」終於可以係一個品牌!



嘩!吸塑呀!以前d玩具係出口既「來佬」野,香港小朋友要玩…分分鐘係搭返船返黎既外國野咁買…


集體回憶膠劍仔!原來第一次針對華人小朋友既玩具就係呢d。係用用剩既膠料邊做架。
每包有幾多把,咩款都係隨機…抽蛋並唔係家下先有。


展覽入面,有好多關於香港玩具業既資料同書籍…
小弟節錄少少自己記得,同比較覺得有趣既…
呢個…就係當年李+X先生既塑膠廠廣告…邊個會諗到,依家香港會變成李家城?仲識發動李氏力場?


當年賽車玩具廣告,識計圈數架!
而且留意,張圖係一家大細咁玩,以前既玩具…係可以大人細路一齊玩,增進親子關系…依家呢?h:
「你條死仔咪掂我幅神話呀!我打死你呀!」


全球首部賽車電子遊戲機,係香港生產!74年賣幾舊水…有錢人玩意。
但只係控制部車避開螢幕上既光點…仲有波速調教。


之前既仿蟬玩具…後黎就變左小露寶玩具…記得好似好嘈架!哈哈~DD" />D" />


聰明笨伯玩具圖



黃玉郎都未必有既石黑龍玩具!




1990年介紹忍者龜既壹周刊


戰後玩具


WW1前既手製鐵皮玩具,可以蒸汽推動!犀利!


軍事玩具系列!

已經有拖車啦!


最早期係用類似火柴盒黎包裝架!


之後就紙牌架膠袋~


雕功明顯進步,而且出現吸塑包裝。












線控


之後進化到搖控架!




痴線!盒都收藏埋~



未砌架!



部份雕功…靚過家陣既玩具…



廚窗式展示盒












手繪盒真係好有味道~






呢幾個櫃就多好野羅~


豬仔儲錢箱~以前有d儲錢箱…係無蓋架,有入無出。當儲滿…你真係要膛豬!:^












使用道具 舉報

Rank: 9Rank: 9Rank: 9

發表於 2013-5-21 17:01:56 |顯示全部樓層
本帖最後由 originalsin 於 2013-5-21 19:44 編輯

小孩自製玩具系列。
唔知有無大大都自己整過呢?
以下係一d常用素材。(佢連裝野個樽都好正,以前去士多成日見既:)

用完用剩既線轆,留意轆芯係木製架!


蓋掩。


木筷子



雪條棍


木衣夾


都係線轆


像筋


算盤珠


布頭布尾


波子氣水內既波子


其實細路…真係俾d垃圾佢都可以玩一餐…
香燒完剩底既香雞…都可以做公仔。


左下角,係線轆坦克…好似仲可以發射既…不過小弟無玩過…唔清楚。
左上角既係紙佗螺,用鐵釘做支撐…好似仲可以用蒸氣令佢轉既…轉既時候,上面既字或圖案就會變。
所以用唔同廢紙,造出黎既永遠唔會一樣!
中間既,係射憤怒鳥既彈叉…但當年應該唔係彈隻雀出黎。係用石去彈d雀…而彈弓部份,係用單車胎既內膽造既,應該幾大殺傷力…




雪條棍星(我細個就用雪條棍製作像筋槍,好x痛架!)

棍仔加紙圈既玩具…玩法聽講好多…
1.係腳邊轉,就可以單人跳繩。
2.或者當佢劍玉咁玩。


唔知呢支槍射咩既呢?


左手邊既,叫「扯扯」,用綿繩加汽水蓋製作。會用石頭整扁個蓋,之後轉轉轉條繩,一扯,就會高速轉動。殺傷力驚人!
我那個時代…係玩「乖乖」送既膠製品,未玩過呢d手製可以割樹既兇器!:^
中間隻龜,同成個匙扣咁既野,就係鐵線迷宮。

龜尾係一條「匙」,點樣取出呢?就要經過全隻鐵線迷宮啦!好正既設計。


碼子槍,呵呵~應該幾痛!



「扯扯」大圖…嘩!幾鬼鋒利!
依家既家長一定鬧死!


牛奶嘜高蹺…係壽星公同鷹嘜煉奶罐呀!


雙囍火柴盒小花籃,聽講媾女用既~

使用道具 舉報

Rank: 9Rank: 9Rank: 9

發表於 2013-5-21 17:02:10 |顯示全部樓層
本帖最後由 originalsin 於 2013-5-21 19:51 編輯



拖繩玩具








機械人呀!黑色那隻…我細個鍾意到當佢細佬:shy:(唔好心邪呀!)














船仔玩具




甲版有雕刻…咩話?家下有玩具用貼紙…唉~~~~~~~~~~~


玩具放影機及攝影機系列


幻燈片機玩具…有powerpoint之後,應該無人就咩係幻燈片…










呢度…得一隻係日本授權。(圖中既拉打V3)
未有版權條例前…呢堆玩具,係唔犯法既。應該…
全部係電視/電影播咩,d人自己山寨咁出品,唔係翻版…依家應該係同人作品掛。
當然依家咁做應該犯法既,國內既第三方老變…就應該類似呢d野啦…





呢隻有機件既小露寶,咁正都係出自山寨架。


成隊「神勇飛鷹俠」:!













隻卡新…真係笑死我:x


呢d叫baby既,係用d頭頭尾尾亂咁組合出黎賣既。創意無限,非常環保!


所以會出現機械人身,人類手既怪物…




直升機玩具!











使用道具 舉報

Rank: 9Rank: 9Rank: 9

發表於 2013-5-21 17:07:59 |顯示全部樓層
本帖最後由 originalsin 於 2013-5-21 23:50 編輯


家俱玩具,電話。


洗衣機及鐘


























日軍玩具?戰時定戰後出架?買返黎發洩架?
















呢個利害!香港呢一個電影形象既玩具機械人製品…
出自電影「最佳拍檔」,當年好似要抽獎!呢次展覽終於見到實物,好感動!








太空幻想式玩具系列







現代野亂入






香港,係有出過「超合金」架!當年香港製造既超合金,佔全球合金玩具既1%,就係呢幾隻!應該係合金收藏家既超稀有藏品!






























使用道具 舉報

Rank: 9Rank: 9Rank: 9

發表於 2013-5-21 17:08:14 |顯示全部樓層
本帖最後由 originalsin 於 2013-5-22 00:30 編輯

繼續更新!

女孩向玩具…
對唔住,因為後期時間唔夠…小弟無咁影得咁仔細,粗略咁影下就算。

經典「紙公仔」,可以換衫,係買唔起芭比既一既選擇!


有角色名?!趙碧鳳、趙天雄、趙夢嬌???


各類娃娃~






















點解可以未開架?


有眼睫毛既娃娃








椰菜娃娃,好似係有身份證定出世紙既娃娃…以前好出名架。



軍火類!火石槍、水槍、吸盤槍等等…




玩具「孖葉」!鎖住左,之後開唔到扭斷埋鎖匙…呢d回憶去邊度搵,哈哈






呢支槍…香港好似無興過…但對外國老一輩黎講,講起都憎,因為佢係射薯仔蓉既(應該係熟掛?),將之槍插入薯仔,按制一抽,之後就可以發射令人頭痛既薯蓉,仲可以邊玩邊食(唔怕肚痛的話),聽到都覺得係惡夢級兵器~





















松本零士風既人物包裝?


火石槍中既經典,林海峰出碟都要揀佢,好勁架。一個按扭,無需入電,已經發光同發聲…但我細個最深印像,係呢把野好易夾親手…


美玩區既大大,一定好想要~


唔知出自咩作品既吸塑人偶系列…








d設計都幾正








好正既怪物~

使用道具 舉報

Rank: 9Rank: 9Rank: 9

發表於 2013-5-21 17:08:33 |顯示全部樓層
本帖最後由 originalsin 於 2013-5-22 00:37 編輯






黎啦!煮飯仔系列!





high tea必備,雖然已經氧化…


舊式暖水壼,以前家家戶戶有一個~


家俱set呀,另外…紅色呢套杯,小弟細個係真係玩過,用過黎飲水,一陣膠味…哈哈~飲到個人家下都仲膠膠地~










呢套我有玩過呀!見返佢…我真係好感動!




金屬製玩具,上面既舊式發熱線爐,就真係無用過,無見過…
玩具都可以記錄以前既生活~


唔開封…一樣會氧化…
俾我就開黎玩啦。當然佢係收藏家,小弟係好感激同高興佢無開封~


部電視…應該係畫面可動,即係唔同角度睇,畫面會變~




菜刀都有?












點搵架?咁既包裝都留到?利害!

使用道具 舉報

Rank: 9Rank: 9Rank: 9

發表於 2013-5-21 17:09:26 |顯示全部樓層
本帖最後由 originalsin 於 2013-5-22 00:55 編輯


家私系列
如果當年已經有四葉妹妹可以cossover你話幾好呢~





















中式家俱套裝,當年設計好摩登(我都用返d舊既形容辭先~)中式家俱套裝,係連西式電器~



有仿雲石面架~






家變、網中人…都係用呢類傢私~









香港出品既迪迪尼產品…可以睇到唔同年代角色既變化







好瘦既「變形俠醫」:66:


ET呀!你返到屋企未呀?:)


小魔怪






呢度要講講,留意關節,當日最早設計既,係最右邊既關節,但大量製造有困難,因要人手加工,之後香港既玩具生產商,就發明左膠製既球形關節。而呢個設計,影響到今時今日。
孩記…我頂你啦!你睇下呢d關節,一早就有啦!你家下仲出d咁唔好扭既!:*




使用道具 舉報

Rank: 9Rank: 9Rank: 9

發表於 2013-5-22 01:04:11 |顯示全部樓層
本帖最後由 originalsin 於 2013-5-22 01:15 編輯

現代玩具…我簡單咁影下就算,1)無時間   2)你去反狗城大把啦!




放左係近代玩具中既古董


呢隻野要講講,人工知能玩具,聽講要成$800美金
設計既,就係之前提過,設計蝙蝠俠關節既人,後黎越搞越大既公司。
聽講,呢隻野好受老人家歡迎…因為真係養寵物,對佢地黎講太難啦…






香港出產/設計既玩具












































































使用道具 舉報

Rank: 9Rank: 9Rank: 9

發表於 2013-5-22 01:26:53 |顯示全部樓層
本來…仲想出埋藝術家同學生為呢個展覽設計既作品…
但…小弟決定算勒。
我已經攪左成晚
上載左4xx張相…

第一次出post係要攪咁耐,真係艱巨…但小弟只係影下相都覺辛苦。
攪呢個展覽既人,真係唔知有幾辛苦。擺出黎,入返…都唔知要用幾多時間…
小弟真係睇得好感動,所以出個post分享下。
唔想人地既心機無咩人知。
而且佢地送既場刊都好精美~
全程仲要免費…香港真係應該搵個地方,長期展覽!呢d真係香港歷史!



呢個展覽既
主辨機構係「香港工業總會」
主要贊助「創意香港」
合作機構「香港知專設計學院」
支持機構「香港玩具協會」
             「香港玩具廠商會」
             「香港貿發局」
策展機構「Hong Kong Creates 」

多謝你地攪呢個展覽!睇得人好感動當日見到大人細路既參觀者都睇得好開心,特別係叔叔嬸嬸。係咁講古~好正!

使用道具 舉報

您需要登錄後才可以回帖 登錄 | 立即註冊

聯絡我們|廣告查詢|手機版|免責聲明|私隱政策|網站地圖|玩具迷團 ( toysbuddyhk.com©2014, All Right Reserved. )

GMT+8, 2014-12-20 19:29 , Processed in 0.060821 second(s), 16 queries .

Powered by Discuz! X2

© 2001-2011 Comsenz Inc.

回頂部