玩具迷團 TOYSBUDDYHK

 找回密碼
 立即註冊
搜索
查看: 23149|回復: 230

[新聞資訊] 電影『平成vs昭和』2014.10.08 更新   [複製鏈接]

Rank: 7Rank: 7Rank: 7

發表於 2014-1-17 12:56:51 |顯示全部樓層
本帖最後由 老力 於 2014-10-8 14:59 編輯

平成 vs 昭和 幪面超人大戰feat.超級戰隊


2014年 10月 08月 更新
今次將會是該帖之『最後一次』更新資訊了!
而該資訊就是電影之『正版影碟』已鐵定於 10月10日 正式發售。
早前未有時間到戲院觀看 或 想作收藏 o既朋友,就請到各大影音店選購。

香港發行商『新映影片』公報最新消息
《平成對昭和幪面超人大戰feat.超級戰隊》藍光BD, DVD, VCD 10月10日隆重出版!

史上30位幪面超人大混戰!違反規則的超人決戰!
藍光BD及DVD備有日、粵雙語及中文字幕,
特別收錄【自選平成.昭和勝利結局】!

*VCD收錄粵語配音戲院上映版本

10月10日各大影音店有售。各位「拉打」Fans出動啦!支持正版,你做得到!




2014年 07月 14月 更新

在剛過去的 星期六 7月12日 是『Neofilms 新映影片』在 MCL德福 所舉辦的
《平成對昭和 幪面超人大戰feat.超級戰隊》Cosplay特別優先場
當日電影開映前,多名扮相唯肖唯妙的 Cosplayer 現身撐場,當中包括「仮面製造」、「大點擊」等著名 幪面超人 Cosplayer 組織,吸引大批粉絲拍照,迫爆戲院!

在觀看有關當日『
Cosplay特別優先場』精彩相片前,小弟先要多謝大家。
因該帖以『單一話題』作討論及分享原來已歷時半年,這都是全靠大家對『拉打熱血』所成。
如無意外『該帖』將會是最後一次更新,著實要多謝大家一直支持!
結筆前,當然要提一提大家,黎緊 星期四 7月17日 就是該電影正式上畫日。
大家千期咪錯過係電影院大銀幕下感受『我們的幪面超人』啊!

片來源 :『Neofilms 新映影片』Facebook 專頁























































【電影資料】
7.17 粵語配音版 及 原聲中文字幕版 同步上映
請向戲院查詢上映版本及場次

- 上映戲院︰
.奧海城 the sky.百老匯荷里活.THE GRAND(九龍站).嘉禾荃新天地.嘉禾青衣.UA MegaBox.UA 屯門市廣場.UA Cine Grand Century(新世紀廣場).MCL德福.MCL康怡.MCL將軍澳.STAR Cinema(將軍澳站)

- 購票優惠:
凡親身前往戲院售票處購票2張,送【日本原裝進口 Q版平成 / 昭和幪面超人膠紙】一卷。膠紙共兩款設計,每次隨機送出一款,先到先得,送完即止。(此優惠不適用於網上購票)



2014年 07月 12月 更新
香港版《平成VS昭和 幪面超人大戰feat. 超級戰隊》全民公投結果有了。
以下是
『Neofilms 新映影片』Facebook 專頁公佈內容:

【平成對昭和 幪面超人大戰 全民公投結果】

多謝各位投票!是次公投結果如下︰

- 網上公投

【投票總數】1983票
【平成】988票【昭和】995票

- Coco雜誌
【投票總數】839票
【平成】638票【昭和】201票

- 總和 (網上公投+Coco雜誌)
【投票總數】2822票
【平成】1626票【昭和】1196票
恭喜平成幪面超人勝出!

就算是那方陣形勝出都好,幪面超人都是正義的朋友!難得
今次最新劇場版《平成VS昭和 幪面超人大戰feat. 超級戰隊》能緊貼日本登陸香港,身為「拉打」Fans的你要把握機會,在大銀幕看幪面超人才是皇道!

咁個『投票結果』係咪您地所投出o既一票所得出的答案呢!?
係咪您所要o既『結局』都一切而成『定局』,大家都係買戲飛入場感受電影的震撼啦!





2014年 07月 10月 更新
香港版《平成VS昭和 幪面超人大戰feat. 超級戰隊》全民公投已經圓滿結束。
而有關結果會於 明天 07月 11日 在
『Neofilms 新映影片』Facebook 專頁內 公佈
到底結果會否如您所願?一切一切就有待明天公佈結果了!



2014年 07月 09月 更新
香港電影版『平成 vs 昭和』今天 7月9日 就是最後投票機會!
【平成對昭和 幪面超人大戰 全民公投】
今天是投票的最後機會,好好把握你手上的一票,諦造屬於香港人的幪面超人歷史!
--------------------------------
投票網址 (最後投票日期︰7月9日)
http://www.neofilms.com.hk/apps/ridertaisen/
---------------------------------





2014年 07月 05月 更新
『平成 vs 昭和』投票截止在 下星期三 7月9日,公佈結果在 下星期五 7月11日。
而坊間多個『拉打群組』,粉絲為了支持『喜愛派系』,日日都將『討論』變成『惡鬧』!
『你一言,我一語』激烈程度仲激過『立法會』議員辯論,若兩幫粉絲走埋一齊,隨時會變成預演『平成粉絲 vs 昭和粉絲』。
有關投票結果,就有待 下星期五 7月11日 官方公佈。
而有關電影廣告宣傳亦已經越來越熱,今日在FB亦見到有粉絲拍攝到巴士廣告。
全城熱話『
平成 vs 昭和』電影,您絕對不能錯過!







2014年 07月 05月 更新
昨日『Neofilms 新映影片』公佈上映戲院由
11間 增加至 12間!

《平成對昭和 幪面超人大戰feat.超級戰隊》
  最新上映戲院資料

幪面超人戰線不斷擴大!除了早前宣佈的11間戲院外,奧海城「the sky」戲院亦宣佈會加入戰團!

7.17 粵語配音版 原聲中文字幕版 同步上映
請向戲院查詢上映版本及場次

- 上映戲院︰
.奧海城 the sky.百老匯荷里活.THE GRAND(九龍站).嘉禾荃新天地.嘉禾青衣.UA MegaBox.UA 屯門市廣場.UA Cine Grand Century(新世紀廣場).MCL德福.MCL康怡.MCL將軍澳.STAR Cinema(將軍澳站)

- 購票優惠:
凡親身前往戲院售票處購票2張,送【日本原裝進口 Q版平成 / 昭和幪面超人膠紙】一卷。膠紙共兩款設計,每次隨機送出一款,先到先得,送完即止。(此優惠不適用於網上購票)

- MCL德福.MCL康怡預先預售中:
http://www2.mclcinema.com/visMovieSelect.aspx?visSearchBy=mov&visLang=1&visMovieName=Heisei+vs+Showa+Kamen+Rider+Taisen+Cantonese


現在大家又多一間戲院選擇,咁你地又會選擇去邊度睇呢?



2014年 07月 03月 更新
7.17 香港版 電影即將上映,大家除了關心『投票結局』外,亦想知道有關上映戲院。
而『Neofilms 新映影片』剛公佈有關上映戲院了!

《平成對昭和 幪面超人大戰feat.超級戰隊》
7.17  粵語配音版  原聲中文字幕版 同步上映
請向戲院查詢上映版本及場次

- 上映戲院︰
.百老匯荷里活.THE GRAND(九龍站).嘉禾荃新天地.嘉禾青衣.UA MegaBox.UA 屯門市廣場.UA Cine Grand Century(新世紀廣場).MCL德福.MCL康怡.MCL將軍澳.STAR Cinema(將軍澳站)


- 購票優惠:
凡親身前往戲院售票處購票2張,送【日本原裝進口 Q版平成 / 昭和幪面超人膠紙】一卷。
膠紙共兩款設計,每次隨機送出一款,先到先得,送完即止。(此優惠不適用於網上購票)

- MCL德福.MCL康怡預先預售中:
http://www2.mclcinema.com/visMovieSelect.aspx?visSearchBy=mov&visLang=1&visMovieName=Heisei+vs+Showa+Kamen+Rider+Taisen+Cantonese


想得到『日本原裝進口 Q版 拉打 膠紙』o既朋友,到時就要盡早『親身』去戲院買飛了。



2014年 07月 02月 更新
『Neofilms 新映影片』剛剛其 Fans Page 公佈
第二、三週投票結果走勢』!

【平成對昭和 幪面超人大戰 全民公投】
第二、三週投票結果走勢
--------------------------------
投票網址 (最後投票日期︰7月9日)
http://www.neofilms.com.hk/apps/ridertaisen/
---------------------------------
繼首週「平成」稍勝後,第二、三週「昭和」的得票突飛猛進,以輕微得票之差反超前!

支持「平成」的你也不用灰心!投票時間還有最後一星期,你投了沒有?快share比朋友一齊揀你想睇的結局啦!


現時『平成 46.9%』對『昭和 53.1%』,『昭和』以 6.2% 支持度反超前。
到底『昭和』能否以刻下的支持度,維持餘下『7天投票』直至勝出?
還是『平成』會如同『3月下旬 日本投票』時一樣,在餘下數天返超前勝出?
未投票o既朋友,就請快快投出『您神聖的一票』,將您想的結局『改寫』!




2014年 06月 27月 更新
『Neofilms 新映影片』發佈了大家同樣極為關注的『粵語配音』香港版 預告片。
以下輯錄了一句『粵語配音』對白,你地又覺得如何呢!?
『我個名叫做 本郷猛。我係絕對唔會認同,你呢個o靚仔係 幪面超人』
對白會否太過『廣東話』口語?還是咁樣先至夠地道夠親切?去片~~~








2014年 06月 19月 更新
『Neofilms 新映影片』早兩日在其 Fans Page 公佈
『首週投票結果走勢』!

『首週投票結果走勢』即在 6月10日 至 6月 16日 其間投票結果。
暫時『平成 50.3%』對『昭和 49.7%』,『平成』以 0.6% 支持度領先。
現距離 7月 9日 截止投票還有3個星期,想觀看『您要的結局』就到以下網址投票,支持你心中的拉打!
『平成 對 昭和』投票網址:
http://www.neofilms.com.hk/apps/ridertaisen/

另外要講,就是 7月12日上映『
日語版中文字幕』優先場『戲票發售走勢』
原先 6月12日 公佈只得一場優先場,因反應熱烈於 6月 16日 公佈
限定加開一場!
而兩場優先場都會在同一日同一時間,於『MCL德福』加多一間影院同步播放。
以下兩張圖片,就是今日『新鮮滾熱辣』售票情況。


兩院分別只餘 13個 及 9個 坐位可供選購。
而想快人一步,又唔怕坐到『閒銀幕』o既朋友們,就要快快 上網 或 前往 電影院訂購戲票哪!


2014年 06月 12月 更新

香港發行商『新映影片』公報最新消息

【《平成對昭和 幪面超人大戰 feat.超級戰隊》Cosplay 優先特別場】
優先場將於明日(6月13日)下午3時正搶先在MCL手機APP公開發售!
優先場日期:7月12日(星期六)
時間:下午4時正
放映戲院:MCL德福戲院
每位購買優先場嘅觀眾更可獲得【原裝日本進口《幪面超人大戰》電影精品】1份

而電影上影消息,已經發佈於『YAHOO電影』裡了。

『電影資料』


『劇照』

























































2014年 06月 10月 更新


香港發行商於昨日在其 facebook 專頁內發布【平成對昭和 幪面超人大戰 全民公投】
投票於今天 6月10日 至 7月9日,而有關 投票方法 及 細則 如下。




幻之對決  平成超人大戰昭和超人!
電影結局由你決定!

由6月10日至7月9日,投下你支持的幪面超人隊伍一票!得票最多的超人隊伍將會在電影中勝出!
投選了勝出超人隊伍的FANS更有機會獲得電影換票證!

遊戲規則:
1. 每名Facebook用戶只限投票一次,投票後不能更改選擇。
2. 抽獎活動只限香港及澳門居民參加。遊戲會由電腦抽出十名得獎者,各得《平成對昭和 幪面超人大戰feat.超級戰隊》電影換票證兩張。換票證受使用細則限制。得獎者將收到Facebook訊息通知領獎事宜。
3. 投票者必需已讚好「Neofilms新映影片」Facebook Page才可參加抽獎。
4. 投票日期由2014年6月10日至7月9日,逾時即止。結果將總合Co-Co雜誌的投票結果於7月11日在Facebook專頁公佈。
5. 收集之個人資料只會用作是次抽獎活動之用,並會於結果公佈後一個月內銷毀。
6. 如有任何爭議,新映影片保留最終決定權。

投票網址:
http://www.neofilms.com.hk/apps/ridertaisen/

** 版主論 **
在我個人而言,乜真係可以賣『海外電影』會黎多次『公投』?
若今次『港澳公投』變為『昭和』勝出,到時上映『昭和』版本。
咁日本方面,我估計必定有好多粉絲拆晒樓嘈住要睇『昭和』版本了。

唔好話我『陰謀論』,當日日本投票我就已經覺得鬼鬼地哪!
『昭和』原先長時間都領先,點知後段『平成』短時間後追繼而勝出喎!
喂!話晒家陣係『平成』年代,點樣計『東映』都無理由打爛個新招牌掛?
所以當日日本o既『全民公投』,我只覺得係『傳聞公投』,只屬一個『傳聞』而已!

點都好!『港澳公投』就已經開始哪!
就試試用你我o既手,去投出你想要o既『公平一票』!
不過......一切一切,就有待時間來正實了!
我就已經投o左『昭和』,咁你地又會投邊一邊呢?



2014年 06月 06月 更新

自電影消息傳出後,好多『拉打迷』都想睇『日語原聲』版本。
而在今天,香港發行商『新映影片』在其 facebook 專頁內發布以下。


你們的意見,我們聽到了!
我們與日方緊急磋商後,終於成功爭取到《平成對昭和 幪面超人大戰 feat.超級戰隊》
【粵語配音版】與【原聲中文字幕版】同步上映!上映戲院詳情將容後公佈。
7.17 香港銀幕 終極決戰
【密切留意 幪面超人大戰選舉】


這消息對我地睇開『日語特撮劇』o既朋友黎講,確實係一個喜訊。
一黎已經習慣追看『原聲日語版本』,二黎當然想聽翻班『老叔父』o既親切聲音。

除此之外,官方自公佈此電影時已有注明
【密切留意 幪面超人大戰選舉】
當日選舉結果係『平成』勝出,而電影亦已經剪輯好搬上大銀幕。
照計唔會有第二個結局版本,用黎賣海外時播放掛!?
唔理佢係 卓頭好 或 話題都好,大家都係諗下想睇乜野版本好了!



2014年 06月 04月 更新

估唔到呢個帖隔o左成兩個月,都仲有野可以更新比大家睇。
而今次更新資料,就是《平成對昭和 幪面超人大戰 feat.超級戰隊》即將在香港大銀幕上映。
電影會安排在 本年 07月 17日 上映,而影片將會使用『粵語配音』。
黎到呢刻,相信大家必定會對『
粵語配音』呢樣野有所保留!
至於結果會係點,就到時由大家使用『你o既錢』及『你o既耳仔』黎作出評論了!
唔理點都好,我都必定會入戲院支持『我們的拉打』!



該帖早前資訊




2014年 03月 29日 更新
電影於今天上影,而官網亦發報以下『平成 vs 昭和』的『公投』結果。


在45日的投票裡,總投票超過2,773,322票。
『平成騎士 1,387,041票』VS『昭和騎士 1,386,281票』
『平成騎士』以多出760票,得到最後勝利。


結果已定了,咁到底係咪你地想要o既結果呢?

其實在『我個人』覺得,個『結局』其實係拍攝電影之前已經決定了!
整個『公投』出來只係攪下氣氛,等多o的人去 留意 及 討論,好似自已都好似有份參與電影咁!
咪玩啦!家陣係拍『大電影』呀!你估係四五條友拍『微電影』咩!
電影公司莫非真係會『掉舊錢出來』去拍兩個結局,等你班友去決定哪喎!
哪!若然果『兩個結局』係拍10秒o既『日式猜包剪揼』,咁我就信你個『公投』哪
呢鑊真係『增鏡杯~~呀之你呀媽個~爹去囉』,不知所謂的『結局』!
多謝大家收看小弟係度『發爐鬚』,下次有『大制作』再同大家吹過!拜拜!



2014年 03月 28日 更新
開戰前夕,給大家分享官網內『30騎士』簡介。你地o既熱血燃燒o左味!











































































2014年 03月 23日 更新
大戰在即,不用多介紹。
大家就睇以下圖片黎感受一下,呢套電影上映時會有幾咁震撼啦!







































































2014年 03月 14日 更新
最新電影預告片



2014年 03月 08日 更新
2014年 03月 12日 發佈會實況










幪面超人1號 - 本鄉猛『藤岡弘』
於發佈會時『藤岡弘』導出
「非常感概。 當時的一切復甦令身體都顫抖了」
「現場新鮮。大家都很努力。最高興看到年輕人的成長」


幪面超人 X - 神敬介『速水亮』


幪面超人 ZX - 村雨良 及 暗闇大使『菅田俊』


幪面超人Faiz - 乾巧『半田健人』


幪面超人 DECADE - 門矢士『井上正大』


幪面超人Fifteen - 葵蓮『板尾創路』


葵咲『雛形明子』












仮面ライダー大戦 3.29



2014年 03月 08日 更新
早前提及過官網會上載『歷代幪面超人必殺技映像』,而該影片段今天終於在官網內上載了。
大戰在即,到底大家喜歡『昭和老招~講直接』還是『平成花招~求多變』呢?

「仮面ライダー大戦」昭和ライダー必殺技映像集!  


「仮面ライダー大戦」平成ライダー必殺技映像集!



2014年 03月 07日 更新
可能因為偉大的『Ichigou Arms 1號鎧甲』誕生

就一下只就將一眾拉打迷o既熱血『打沉』,亦更使坊間之討論一同『打柴』。
為了使大家熱血重燃,現在就送上能夠『衝擊視覺』、『震撼感觀』、『燃燒怒火』的圖片吧!
但切記看罷.........不要『衝口而出』或『怒火爆粗』啊!呵呵呵呵!
『Ichigou Arms 1號鎧甲』清晰雜誌圖片







2014年 02月 24日 更新
來多張清楚『Ichigou Arms 1號鎧甲』雜誌圖片
黎到呢一刻,成套戲真係比『呢鋪』一Q打謝o左了!

有齊『30代』鎖頭,咁遮係有『好Q多種』變身?



2014年 02月 24日 更新
雜誌圖片『
Ichigou Arms 1號鎧甲』
原文:1号(いちごう)アームズ
利用「Showa Rider」定鎖種子變身的形態

鎧甲混入『幪面超人 1號』部份顏色及造型,擁有幪面超人1號能力的形態。
唔係呀化!咁都得!?咪玩啦!真係頂唔緊了!



2014年 02月 24日 更新
官網所提供之最新清晰預告影片,真是越睇越吸引!







2014年 02月 11日 更新
官網所提供之『平成 vs 昭和』投票,連日來之票數都是由『昭和』領先。
雖然百份比『平成』一直落後,但今天兩者之百分比差距又拉近一點了。
投票官網網址:http://superhero-battle.com/


我最欣賞該官網的,反而內裡有一個『歷代幪面超人介紹』
而網頁還告知日後將會新增『歷代幪面超人必殺技映像』,這真是極之吸引!
歷代介紹網址:http://superhero-battle.com/rider30/














2014年 01月 31日 更新
飾演『幪面超人X - 神敬介』之『速水亮』現年64歲,相隔34年再度登場。


飾演『幪面超人ZX - 村雨良』之『菅田俊』現年58歲
今次將會一人分飾二角,同時扮演『暗閣大使』一角。



2014年 01月 28日 更新
昭和拉打 對 平成拉打 清晰雜誌圖片







『鎧武』系列『奸角拉打』擁有『平成15人』之變身!



2014年 01月 27日 更新
最新電影預告片 (HD) 清晰版本



2014年 01月 23日 更新
再有『平成』舊作『幪面超人』主角回歸參演。
分別是色演『幪面超人 龍騎 - 城戶真司』之『須賀貴匡』
及『幪面超人 OOO - 火野映司』之『渡部秀』。




2014年 01月 23日 更新
在網上找到一些相關今次電影的簡介,給大家參詳參詳。

如有關『翻譯』之內容意思有誤,敬請各位師兄師姐多多指教。


** 網上找到所示之翻譯 **
電影由激烈的拉打大戰揭開序幕。
『強人』和『Kabuto開始』,激鬥的『昭和拉打』和『平成拉打』,敗北的戰士都化成Lock Seed並且收到某人手上......收集Lock Seed的這可疑的人就是巴丹帝國的暗黑大使!
地下鐵工地的巨大洞穴,傳說當中有另一個世界,從那裡會出現怪人。走向調查的『紘汰=鎧武』,與一個名為『シユウ』的少年相遇。少年擁有神秘力量卻失去記憶的少年。
「不能帶走那個孩子!」 —— 突然的聲音。 他就是傳說的1號拉打本郷猛!



** 網上找到所示之翻譯 **
本郷猛變身仮面ライダー1號!『Armored Rider的話就算是歡鬧,不過你這種小子就不能認同為拉打!』向鎧武大喝一聲的場面,來見識一下昭和拉打的強大吧。

對戰的敵人是巴丹戰鬥員Combat Lloyd!? 對。 今次的敵人不是修卡,而是以地下帝國巴丹為名的邪惡組織!
說起巴丹,是 TVSP『10號誕生』! 仮面ライダー全員集合!!(1984年) 登場的組織為形象而出現! (當時的名稱為「巴丹帝國」,本作中的怪人腰帶的帶扣設計稍有不同) Yamarashi Lloyd(豪豬怪人),Tiger Lloyd(老虎怪人)的巴丹怪人也會登場。 而且,由巴丹誕生的『仮面ライダーZX』應該會參戰的……不過到底?










** 網上找到所示之翻譯 **
●(上)仮面ライダー555=乾巧 登場! 從上面的相片的看得到,還是貓舌頭的老樣子(笑) 。 當然演出的是半田健人。 今次電影中,巧和一位不認識的昭和拉打一起行動、摸索自己的生存之道。 並且過去的對手亦怱隱怱現…… 。不單只是純粹露面的演出,Fans必見相隔10年乾巧的身姿。
●(中) 說到拉打大戰的話一定不能缺少仮面ライダーDecade=門矢士。 飾演的 井上正大 繼『仮面ライダーWizard』的第53話再次登場。
因為 鳴瀧 的話依託,為了打倒巴丹而要把平成拉打集結……。卻對其他平成拉打「比我還要自以為的傢伙真是多呢」的發言等,這位也還是老樣子(笑)。 本作中拿了士的相機的人是?
●(下) 風都的 偵探-左翔太郎 更為人熟悉的是 仮面ライダーW。
突然受到 門矢士 的委託……。「黑色拉打的話,我也不會輸啊」並且以 仮面ライダーJoker 變身。
與 仮面ライダーBLACK & BLACK RX 的2大戰士為對手戰鬥。到底Half-Boiled偵探會如何活躍?



2014年 01月 20日 更新
由日本粉絲所影的拍攝現場相片。

使人期待的畫面出現了,1哥駕著新旋風號,3叔駕著颶風號。
留心看,1哥左邊還有一個新旋風號車頭凸出來,那必然是2哥了。



2014年 01月 20日 更新
『藤岡弘』67歲之變身『拉打......輕~先』片段暴光!



2014年 01月 19日 更新
『平成ライダー VS 昭和ライダー 仮面ライダー大戦 feat.スーパー戦隊 特報』
15秒 預告片 , 條片長到咁......真係多謝晒


左下第二格『幪面超人555 - 乾巧』主角『半田健人』現身!

















2013年 01月 18日 下午更新
再有『平成』舊作『幪面超人』主角回歸參演。
而他就是色演『幪面超人 Wizard - 操真晴人』之『白石隼也』。
睇黎是次『炒雜燴』越炒越激,唔知會唔會請齊『三皇元老』來朝參演呢?



2014年 01月 18日 更新
已經有舊作『幪面超人』主角回歸單位列表了。
裡面又有幾多位係你地o既心水角色呢?
雖然睇黎大局已定,人選亦未必會增加,但大家又仲想邊位回歸呀?




2014年 01月 17日 晚更新
好消息接種而來,早前有消息透露過『速水亮』同樣會回歸色演『幪面超人 - X 神敬介』。
而剛才就在有『速水亮』帶著『X 腰帶』之相片流出,其望還會有更多『昭和』元老回歸。





** 該帖最初報導 **

日語 (全寫):平成ライダー VS 昭和ライダー 仮面ライダー大戦 feat.スーパー戦隊
中文 (全寫):平成騎士 對 昭和騎士 幪面超人大戰feat.超級戰隊
原本呢單野唔算得上係新聞,因為係一個月前 12月15日左右,經已知道佢將會在今年 03月 29日 才公開上映日期。
起初見佢個名寫到『老連咁長』,加上又係『炒雜燴』成堆一齊亂打一通之作品。
所以身位『拉打粉絲』o既我,都遲遲唔願出個帖講下佢。
但後來見佢慢慢流出一o的較有誠意o既消息,就係會搵翻部份主角親身上陣。
雖然呢個『卓頭』已經唔係乜野新意,因為有數部『炒雜燴』都有類似情況。
而到了今天 (01月17日),一個天大的喜訊就發生了................
這就是我們的一哥『藤岡 弘』會親身上陣,色演『幪面超人1號 - 本郷猛』一角!

日本新聞紙 於今天 2014年(平成26年) 01月 17日 報導『藤岡弘』參演


重溫早前雜誌資訊圖片


將會回歸參演人物




平成幪面超人15作品記念


日本粉絲們在拍攝現場所影之相片
























我們的一哥『藤岡 弘』會親身上陣,色演『幪面超人1號 - 本郷猛』




在2月即將68歲的『藤岡弘』雄風依然尤在!


『輕........先..........!』





日後再有更多資訊及圖片,將會即時為大家報導!
附件: 你需要登錄才可以下載或查看附件。沒有帳號?立即註冊

使用道具 舉報

Rank: 9Rank: 9Rank: 9

發表於 2014-1-17 13:16:45 |顯示全部樓層
老而彌堅!

使用道具 舉報

Rank: 9Rank: 9Rank: 9

發表於 2014-1-17 13:33:27 |顯示全部樓層
洪大龍67歲!  老馬有火呀!

使用道具 舉報

Rank: 9Rank: 9Rank: 9

發表於 2014-1-17 13:54:37 |顯示全部樓層
件衫配搭好似好差啵~

使用道具 舉報

Rank: 7Rank: 7Rank: 7

發表於 2014-1-17 13:56:14 |顯示全部樓層
ahwai 發表於 2014-1-17 13:16
老而彌堅!

真係堅到無朋友,雖然接近七張野,但果份正氣霸氣一o的都無減!

使用道具 舉報

Rank: 7Rank: 7Rank: 7

發表於 2014-1-17 13:57:36 |顯示全部樓層
wowwow9 發表於 2014-1-17 13:33
洪大龍67歲!  老馬有火呀!

今次呢『團火』真係有誠意,終於叫做有翻套『炒雜燴』係使人會期待呢!

使用道具 舉報

Rank: 7Rank: 7Rank: 7

發表於 2014-1-17 13:59:15 |顯示全部樓層
waynefinder 發表於 2014-1-17 13:54
件衫配搭好似好差啵~

套衫著實有o的怪怪地,青唔青綠唔綠,仲要一忽二忽咁!
不過算啦!大家所期待o既都只係『藤岡弘』演出!

使用道具 舉報

Rank: 9Rank: 9Rank: 9

發表於 2014-1-17 14:01:09 |顯示全部樓層
咁有無光太郎呢?

使用道具 舉報

Rank: 7Rank: 7Rank: 7

發表於 2014-1-17 14:08:36 |顯示全部樓層
ahwai 發表於 2014-1-17 14:01
咁有無光太郎呢?


有關『昭和幪面超人』角色資訊:
暫時未有消息『倉田哲夫』會參與演出『Black RX - 南光太郎』一角。
而有小道消息指出『速水亮』會有可能演出『X - 神敬介』一角。

使用道具 舉報

Rank: 7Rank: 7Rank: 7

發表於 2014-1-17 14:15:26 |顯示全部樓層
正!!!!!!!有誠意!!!!
熱血!!!!!!!!!!!!!!!!!!!!!

使用道具 舉報

您需要登錄後才可以回帖 登錄 | 立即註冊

pansing

聯絡我們|廣告查詢|手機版|免責聲明|私隱政策|網站地圖|玩具迷團 TOYSBUDDYHK ( TOYSBUDDYHK ©2016, All Right Reserved. )

GMT+8, 2016-12-3 06:26 , Processed in 0.049929 second(s), 13 queries .

Powered by Discuz! X2

© 2001-2011 Comsenz Inc.

回頂部